«Қош келдің, Әз-Наурыз» мерекесіне арналған іс-шара
№51 жалпы орта мектебінде 2022-2023 оқу жылында «Қош келдің, Әз-Наурыз» мерекесіне арналған іс-шараның БАҒДАРЛАМАСЫ
17 наурыз 2023 жыл
Мақсаты: «Наурыз» мерекесінің қазақ даласындағы орны, наурыз мерекесі туралы түсінік беру, балаларды елін, Отанын сүюге, ұлттық салт-дәстүрін дәріптеуге тәрбиелеу; имандылық, инабаттылық, ізеттілік қасиеттерін қалыптастыру.
(Мейрам өтетін жер салт-дәстүрге байланысты жабдықталады. Балалар, мүғалімдер ұлттық киімдерімен келеді. Мектеп ауласында әсем әуен ойнап тұрады).
(қосылып тұрған «Наурыз думан» әні біртіндеп азайтылады)
1 жүргізуші: Сержан
Құрметті қонақтар, армысыздар,
Бәріңіз де есен-сау бармысыздар.
Шілдехана, бесік той, тұсау кесер,
той жасау – ата-дәстүр салтымыз бар.
2 жүргізуші: Ақнұр
Наурыз келді ал тойлаңдар жарандар,
Келген мына мерекеге қараңдар.
Шашу шашып ақ жаулықты әжелер,
Тойда бүгін ойнап күліп тараңдар.
1 жүргізуші: Сержан
Тойла бүгін, тауларым мен боз далам,
Тойла бүгін, қарттарым мен бозбалам,
Қайта оралған намысымдай наурызым,
Жаңа жыл боп қош келіпсің, наурызым,-дей отырып
құттықтау сөз кезегін мектебіміздің директоры Шырынбеков Нұрбол Талатбекұлына және бүгінгі меркемізге келген қонақтарымызға берейік.
2 жүргізуші:
Жер әлемді жайнатып, әнші құстар сайратып, наурыз тойын тойлатып, Ұлыстың ұлы күні келді ағайын. Той құтты болсын! Ақ мол болсын! Қайда барсаң, жол болсын!
ортаға «Наурыз көктем» әнімен Төлеп Әдеміні шақырамыз
1 жүргізуші:
Бүгінгі Ұлыстың ұлы күні - ата-баба сөзімен айтқанда ақ түйенің қарны жарылған күн. Наурыз мейрамы - бұл көктем мен еңбектің мерекесі, күн мен түн теңесетін күн. Бұл мейрам 22 наурыздан 19 сәуірге дейін тойланатын ұзақ мейрам. Көктем мен Жаңа күн мерекесі. Ендеше, баршамыз Күн Анамызды қарсы алайық!
2 жүргізуші:
Армысыз, әлемнің алтын шырағы
Күн Ана! Қош келдіңіз!
Төрге шығыңыз.
Күн – Ана: (Айдана)
Зарыға күткен. Жаңа жылым да келді-ау!
Жаңа жылым жарылқа, ескі жылым, есірке,
Ұрпағымды аман ет!
Жамандық әрі кет, әрі кет! (аластайды:
Алас - алас, алас,
Бар пәледен алас.
Барлық пәле желмен кетсін,
Ағынды сумен кетсін.
Алас - алас, алас.
(Ортаға Жер-Ана шығады)
Күн Ана: – О, қасиетті Жер-Ана! Адамзат үшін саған басымды иемін. Мен сенің табиғат байлығыңа енетін тау-тасыңнан, жан-жануарыңнан бастап адамдарыңа дейін қуаныш-нұрын сеуіп, әр жүрекке шат-күлкі сыйлап, сіз үшін өзімнің гүл көктемімді, Ару көктемімді шақырғалы тұрмын.
Көктем қыз шығады: (Шадыманова)
Наурыз жаршылары: Димаш, Болатбек, Ерасыл, Ердәулет
Наурыз – Көктем жаршылары: Айжан, Жанетта, Шұғыла, Таңсұлу, Талшын
Қыдыр ата: Бата береді: (тарих және Хализа апай)
ӘН: «Қош, келдің Наурызым, төрлет!» әнімен Әшірәлі Айаруды шақырамыз.
2-жүргізуші:
Наурыз тойын жұп жазбай
Қошеметпен қарсы алайық
Досқа құшақ ашайық
Өлең жырға басайық
Қазақтың бір салты деп
Бесік тойын бастайық!-деп ортаға бесікке салу рәсімін көрсету үшін, бастауыш сынып ұстаздарын шақырамыз.
Бесікке салу рәсімі: Бастауыш (Утебаева Гулнар)
Өзбек биі: «Үш пәтір» биі 4 б сынып оқушылары
1-жүргізуші:
Қазақпыз – қыз өсірген інкәр қылып,
Қазақпыз – ұл өсірген шырқап жүріп
Қазақпыз – құс та салып, ат жаратқан,
Сайысқа түскен және тұлпар мініп.
Оркестер: «Еркесылқым»,
Күй тартыс: «Көроғлы»
2-жүргізуші:
Жолың болсын деселік,
Жолыңа нұр төселік.
Жарылқасын алдыңнан,
Тұсауынды кеселік.
Осындай той бәрімізге жұғысты болсын деп, ежелден келе жатқан «Тұсау кесер» дәстүрімізді көрсетіп жіберейікші
Көрініс: «Тұсау кесер»
Тұсау кесер рәсімі: ортаңғы буын. (Утегенова Ә.)
«Наурыз мереке» әнімен ортаға Күләш Байсейітованы шақырамыз.
Ортаға «16 қыз» әнімен 10-шы сынып оқушыларын шақырамыз.
1-жүргізуші:
Келіңдер, Наурыз күнін қарсы алайық,
Билейік, жыр жырлайық ән салайық.
ҚаҺарлы қыстан өтіп Наурыз келді,
Арқаңды кеңге созшы, уа халайық!-деп, қазағымның ұлттық ойындарына кезек берсек.
Арқан тартус, асық ату, тоғызқұмалақ ойындарын тамашалайық!
2 жүргізуші:
Наурыз құтты болсын!
Дендеріміз сау, мықты болсын!
Наурыз тойы келе берсін!
Барлық халық бақытты болсын,
Қош, сау болыңыздар, халайық!
Көріскенше күн жарық болсын!
Жылдан жылға Наурыз мерекесіне аман-есен жете беріңіздер, құрметті қонақтар!
ДТІЖО: Г.Кудайбергенова
