№51 ЖАЛПЫ ОРТА МЕКТЕБІНДЕ АЛҒАШҚЫ ҚОҢЫРАУ МЕРЕКЕЛІК ІС-ШАРАСЫ

№51 жалпы орта білім беретін мектеп коммуналдық мемлекеттік мекемесінде 2022-2023 оқу жылында 1 қыркүйек – Білім күні, Балалар жылына арналған «Білімге ұмтылу, еңбексүйгіштік және отаншылдық» тақырыбындағы «Алғашқы қоңырау»  салтанатты жиынының бағдарламасы

Өтетін күні: 01.09.2022 ж.  сағ: 9⁰⁰-де

Өтетін орны: Мектеп алаңы

Салтанатты жиынның тақырыбы:   «Білімге ұмтылу, еңбексүйгіштік және  

                                                                    отаншылдық»

Мақсаты: жаңа оқу жылының басталуы қарсаңында білім алушылардың бойында жағымды көңіл-күй, оң көзқарас қалыптастыру

Міндеттері: 

- қатысушыларды өткен оқу жылының жетістіктерінен хабардар ету; 

- білім алушылардың бойында оқуға құштарлық пен білім алуға деген ұмтылысын қалыптастыру; 

- білім алушылардың бойына отаншылдық, құрмет және азаматтық сана құндылықтарын дарыту; 

- өзара құрмет пен түсіністікке негізделген мектеп мәдениетін қалыптастыру.

Көрнекіліктер: ҚР Мемлекеттік Туы, шарлар, гүлдер, жалаулар, жалаушалар, баннерлер, атаулы күндер иелерінің портреті, трибуна, музыкалық аппаратура.

Ұйымдастыру жұмыстары: Президиумға көтерілетін, сөз сөйлейтін қонақтарды алдын ала түгелделіп орындарға шақырылады. Оқушыларды сапқа тұрғызу. 1 сынып оқушыларын салтанатты түрде жиынға шақыру, Мемлекеттік туды алып кіретін озат оқушыларды, қоңырау соғатын оқушыларды әзірлеу. 

Құттықтау сөз:

1. Мектеп директоры – Н.Т.Шырынбеков
2. Қамқоршылық кеңесінің төрағасы: Тойғанбаев Құрал Көмекұлы
3. Ата-аналар комитетінің төрағасы: Үсенов Исахан Мұсаханұлы
4. Зейнеткер ұстаз: Дәулетбахова Қалампыр Таңсыққызы
5. Қамқоршылық кеңесінің мүшесі Утебаев Ерлан Мұсатайұлы
6. Зейнеткер ұстаз Кенжебаева Алиша Төреханқызы
7. Түркістан облысы қоғамдық кеңесінің мүшесі, Шымкент қаласы «Жалын» қоғамдық бірлестігінің төрағасы Керімбеков Құрмет Балқыбекұлы

Жүргізушілер: Мұсахал Кемеңгер   мен Әшірбек Ақнұр

Жиынның жүргізілу барысы:

1. Фан-фар ойналады.
2. Жүргізушілер Мұсахал Кемеңгер  мен Әшірбек Ақнұр ортаға шығады
3. 1 сынып оқушыларын салтанатты түрде ортаға шақыру
4. ҚР Мемлекеттік Туын жиынға ендіру. (Ту ұстаушылар: оқу озаттары: 11 «Ә» сынып оқу озаттары Жұмағали Нұрбол Ассистенттері: оқу озаттары 11 «А» сынып оқушысы Махмудова Таңсұлу,  11 «Ә» сынып оқушысы Алимова Жасмина
5. ҚР Әнұраны орындалады
6. Құттықтау сөзі: Мектеп директоры. Н.Т.Шырынбеков
7. Ән: 4 «Ә» сынып оқушысы Мұхамеджанованың орындауында «Ұстазым» әні
8. Қонақтарды таныстыру, сөз беру
9. «Әліппе» пен «Қаламша» тапсыру құрметі мектеп директоры Нұрбол Талатбекұлы мен Физули сыйлығының иегірі, ақын Құрал Көмекұлына ұсынылады.
10. 1 сынып оқушыларының өнері. 1 «А» сынып оқушысы Шынөскен Адинаны «Алғашқы қоңырау» әні, 1 «А» сынып оқушысы Жиенбай Иманғалиды «Оқуда озат боламын» әні
11. Алғашқы қоңырау соғылады. (1 «Ә» сынып оқушысы Шалқар Қуаныш пен 1 «В» сынып оқушысы Махкамова Райханға, 11-сыныптың оқу озаттары Әлметов Мирас пен Алдаберген Әлібек)
12.  ҚР Мемлекеттік Туын жиыннан шығару
13. 1 сынып оқушыларын өз сыныптарына шақыру

1 – жүргізуші: 

Қайырлы күн, қадірменді қонақтар, ата-аналар! 

Құрметті біздің еңбек сүйгіш ұстаздар мен тәлімді шәкірттер! Бүгін үлкен   мереке. Бүгінгі күні Қазақстанның түкпір-түкпіріндегі білім ордалары мектептерде Білім күні. Білім әлеміндегі дәстүрлі мерекенің бастысы, 1 қыркүйек – Білім күні, Балалар жылына арналған «Білімге ұмтылу, еңбексүйгіштік және отаншылдық» тақырыбындағы «Алғашқы қоңырау» салтанатты жиынымызға қош келдіңіздер! 

2-жүргізуші:

Өркендедік, ел болдық та кемелді,

Тереземіз өзгелермен теңелді.

Елім менің Ата Заңын ардақтап,

Еркіндіктің шуағына бөленді.

Күнде бүгін күн шуағын төккендей,

Шаттық сезім әрбір жүзді өпкендей.

Келді міне, көптен күткен алтын күз,

Білім күніне шақырып бізді жеткендей.

1-жүргізуші: Баршаңызды бүгінгі 1 қыркүйек – Білім күні, 2022-2023   жаңа оқу жылымен Құттықтаймыз! (Екі жүргізуші бірге оқиды)

2-жүргізуші: Биылғы оқу жылдағы ерекше назар аударылатын айтулы күндері Ахмет Байтұрсынұлының 150 жылдығы, Роза Бағланованың 100 жылдығы, Қазыбек би бабамыздың 355 жылдығы, Мұхтар Әуезовтың 125 жылдығы, Дінмұхамед Ахметұлы Қонаевтың 110 жылдығы және Қазақстанның Мемлекеттік рәміздерінің 30 жылдығын мерекелеу.

1-жүргізуші: 

Еліміз тәуелсіздіктің бесігінде мәңгі тербелсін! 

Ортаға тәуелсіз еліміздің  болашағын білімімен бағындырар, балдәурен шағымен қоштасып, білімге талпынған, 2022-2023   жаңа оқу жылында мектеп табалдырығын аттап, 1 сыныпқа қабылданған бүлдіршіндерімізді құрмет қошаметпен қарсы алайық!

2-жүргізуші:

1 «А» сыныбы, сынып  жетекшісі – педагог-зерттеуші, Утебаева Гүлнар   Үсенқызы 

(Қазыбек би портреті мен А.Байтұрсынұлының портреті)

Өткен ғасырларда өшпес із қалдырған, тіліміздің құндылығы мен байлығын көрсетіп, ғасырлар бойы жаңғырып, ұрпақтан-ұрпаққа мұра болып келе жатқан Қаз дауысты Қазыбек би бабамыздың туылғанына 355 жыл!

Алтын ұяң – Отан қымбат,

Құт-берекең – атаң қымбат.

Аймалайтын –  анаң қымбат,

Асқар тауың – әкең қымбат!  (Қазыбек би бабамыздың шешендік сөздерінен), 

1-жүргізуші: 

Ұлы ақын, әдебиет зерттеушісі, түркітанушы, тіл білімі мен әдебиеттану ғылымдарының негізін салушы, реформатор Ахмет Байтұрсынұлының туылғанына – 150 жыл. 

Балалар! Оқуға бар!Жатпа қарап!

Жуынып, киініңдер шапшаңырақ!

Шақырды тауық мана әлдеқашан,

Қарап тұр терезеден күн жылтырап.

2-жүргізуші: 

1 «Ә» сыныбы, сынып   жетекшісі – педагог-зерттеуші, Далбаева Роза Сәдуқызы

(М.Әуезовтің портреті)

Қазақ әдебиетінің классигі, заманымыздың ұлы суреткері  Мұхтар Әуезов – тарихта сирек кездесетін жан-жақты, терең білімді, парасатты, шын мәніндегі асқан талант иесі. Мұхтар Әуезовтің көркем мұрасы – біздің төл әдебиетіміз, бүкіл әдебиетіміз, бүкіл адамзат мәдениетінің жетістігі. Оның Абай туралы эпопеясы мен асқан шеберлікпен жазылған әңгімелері мен повестері ХХ ғасырдағы қазақ әдебиетінің  алтын қорына енді. Мұхтар Әуезовтің туылғанына  125 жыл!

1-жүргізуші:

1 «В» сыныбы, сынып   жетекшісі – педагог-зерттеуші, Абсадыкова Мавлуда Маккамқызы

(Д.Қонаевтың портреті)

Ғасырда емес, ғасырларда бір туатын, ел құрметіне бөленген, халқына сыйлы, заманының дара туылған перзенті Дінмұхамед Ахметұлы Қонаев атамыздың  туылғанына – 110 жыл толып отыр.

Дінмұхамед – заманадан биік тұр,

Даналығы мәңгілікке сыйып тұр.

Қасиетті ұл, қабырғалы еліне,

Шыққан күн мен шапағатын құйып тұр! 

1-жүргізуші: 

Мектеп, Қазақстан Республикасының Мемлекеттік Туын енгізу рәсіміне дайындал! 

              Мектеп, Қазақстан Республикасының туына, тік тұр!

               Жиынға, Қазақстан Республикасының Мемлекеттік туы ендірілсін!

(Ту ұстаушылар: оқу озаттары: 11 «Ә» сынып оқу озаттары Жұмағали Нұрбол 

Ассистенттері: оқу озаттары 11 «А» сынып оқушысы Махмудова Таңсұлу,                                   11 «Ә» сынып оқушысы Алимова Жасмина

2-жүргізуші:

Таусылмаса жүректегі асқақ әнім,

Тез биікте самғатамын жыр қыранын.

Азатпыз, Тәуелсізбіз, еркінбіз деп,

Шырқайық ұлы Отанның Әнұранын

ҚР Әнұраны орындалады

2-жүргізуші: 

Аяулы ұстаздар мен оқушылар және ата-аналар! Жаңа оқу жылында алтын ұя мектебімізге  сағынышпен қайта оралған қуанышты сәттеріңіз бүгінгі «Білім күні» мерекесі құтты болсын! Жүздері балбұл жанған шәкірттер мен білімнің қыры мен сырын үйретуге жалықпайтын аяулы ұстаздармен  қайта қауыштырған, қоңыраудың  сыңғырлаған үнімен әрқайсысымызды  кәусар білімге шақыратын, бүгінгі «Алғашқы қоңырау» салтанатты мерекені ашу үшін сөз кезегі №51 жалпы орта мектебінің директоры Шырынбеков Нұрбол Талатбекұлына беріледі. 

ӘН: 4 «Ә» сынып оқушысы Амина Мұхамеджанованың орындауында «Ұстазым» әні

1-жүргізуші: 

Қымбатты ата-аналар, ұстаздар мен оқушылар! Сіздерді бүгінгі күні біздің мерекелік жиынымызға келіп, қуанышымызға ортақ болып отырған, бір кездері балалық шағын мектеп қабырғасында өткізіп, оқу-білім нәтижесінде үлкен жетістікке жеткен ағаларымыз бен зейнеткерлік демалыста отырған бүгінгі салтанатты жиынымыздың қонақтарымен таныстыруға рұқсат етіңіздер:

1. Қамқоршылық кеңесінің төрағасы: Тойғанбаев Құрал Көмекұлы
2. Ата-аналар комитетінің төрағасы: Үсенов Исахан Мұсаханұлы
3. Зейнеткер ұстаз: Дәулетбахова Қалампыр Таңсыққызы
4. Қамқоршылық кеңесінің мүшесі Утебаев Ерлан Мұсатайұлы
5. Зейнеткер ұстаз Кенжебаева Алиша Төреханқызы
6. Түркістан облысы қоғамдық кеңесінің мүшесі, Шымкент қаласы «Жалын» қоғамдық бірлестігінің төрағасы Керімбеков Құрмет Балқыбекұлы

Құттықтау сөз кезегі қонақтарға беріледі.

2-жүргізуші: 

Құттықтап білім күнімен,

Сыйланар сендерге Әліппе.

Бар білімнің бастауы,

Қадірлеп оны дәріпте- деп, бүгінгі мектеп табылдырығын аттаған бүлдіршіндеріміз зейінді, терең білім алсын деп «Әліппе» пен «Қаламша» тапсыру құрметі мектеп директоры Нұрбол Талатбекұлы мен Физули сыйлығының иегірі, ақын Құрал Көмекұлына ұсынылады.

1-жүргізуші: 

Бүлдіршіндер ертеңгі ел мамандары,

Құтты болсын алғашқы қадамдары.

Құтты болсын басталған оқу жылы,

Құтты болсын, болашақ баспалдағы!-деп

Мектеп табалдырығын аттаған бүлдіршіндеріміздің өнерлерін тамашалау үшін ортаға 1-сынып оқушыларын шақырамыз. 

1. 1 «А» сынып оқушысы Шынөскен Адинаны «Алғашқы қоңырау» әнімен қарсы алыңыздыр.
2. 1 «А» сынып оқушысы Жиенбай Иманғалиды «Оқуда озат боламын» әнімен ортаға шақырамыз.

2-жүргізуші:

Зор  қоңырау  күмбірледі,

Аралап  айлық жерді, күндік  жерді.

Ілесіп  сол  қоңырау  үніменен,

Қазақтың даласына  білім  келді!

Алғашқы қоңырау соғу салтанаты:  1 «Ә» сынып оқушысы Шалқар Қуаныш пен                    1 «В» сынып оқушысы Махкамова Райханға, 11-сыныптың оқу озаттары Әлметов Мирас пен Алдаберген Әлібек

1-жүргізуші:      (Қоңырау ұрып жатқанда оқиды)

Соғылсын қоңырау, соғылсын,

Сыңғырла мәңгілік сыңғырла.

Толқыған жүректер тоғысын,

Толтырып бір арна, бір жырға.

Шаттықтың үніндей мәңгілік,

Соғылсын қоңырау, соғылсын.

Қуаныш әніндей жаңғырып,

Жүректер ақ нұрға соғылсын.

1-жүргізуші: 

Қазақстан Республикасының Туы жиыннан шығарылсын!

1-жүргізуші:

Мектеп табалдырығын аттаған 1-сынып бүлдіршіндерін салтанатты түрде өз сынып бөлмелеріне шақырамыз. (Оқушыларды мектепке кіргізу)   (ӘДЕМІ ӘУЕН)

ӘН:

1-жүргізуші:

Бүгінгі 1 қыркүйек – Білім күні, Балалар жылына арналған «Білімге ұмтылу, еңбексүйгіштік және отаншылдық» тақырыбындағы «Алғашқы қоңырау» салтанатты жиынымыз аяқталды. Сау саламатта болыңыздар!