№51 ЖОББМ Нашақорлықтың алдын алу мақсатында өткізілген Ата-аналар жиналысының хаттамасы

№51 Жалпы орта білім беретін коммуналдық мемлекеттік мекемесі 2022-2023 оқу жылының желтоқсан айында өткізілген Нашақорлықтың алдын алу бойынша өткізілген ата-аналар жиналысының хаттамасы

     Қатысқандар саны:  85

     Өтетін орны: мәжіліс залы

1. 1. Мектеп директоры  Н.Т.Шырынбеков
2. 2. Директордың тәрбие ісі жөніндегі орынбасары  Г.Кудайбергенова, Е.Толегенов
3. 3. Мектеп психологы  Э.Пайзханова
4. 4. Мектеп инспекторы  Р.Хамитов  

  Мақсаты: жасөспірімдер арасында нашақорлықтың таралуына жол бермеу. Балалардың есірткі ортасына түсіп кетпей, оларға    дер кезінде қорған болу үшін мінез-құлқындағы психологиялық өзгерістерге баса назар аудару. 

  Күн тәртібінде:   Нашақорлықтың алдын алу мақсатында түсіндірме жұмыстарын жүргізу

Тыңдалды

Күн тәртібіндегі мәселе бойынша тәрбие ісі жөніндегі орынбасары Г.Кудайбергенова сөз алды. Нашақорлық мәселесіне мән берген әр ата-ананың әрекеті жасөспірімдер арасында есірткі тұтынуды едәуір төмендетуі мүмкін.

Бұл құқық қорғау органдары, нарколог дәрігерлер мен мұғалімдердің мәселесі ғана емес. Ата-аналарда жұмылу қажет. Сонда ғана бірлескен күш-жігерімізбен біз есірткі бизнесі мен нашақорлыққа тойтарыс бере аламыз.  Өйткені бала үшін алдымен ата-ана жауапты екенін айтты. Сондықтан Сіз балаңыз қарайтын барлық сайттарды тексеріп, оның достары мен таныстарын, араласатын ортасын білуіңіз керек. Бір сөзбен айтқанда балаңызды қараусыз қалдырмау керектігін айтты. 

Күн тәртібіндегі мәселе бойынша мектеп инспекторы Р.Хамитов сөз алды. Ішкі істер министрлігі нашақорлықтың алдын алу және есірткінің синтетикалық түрлерінің заңсыз айналымына қарсы күрес саласында тиісті шаралар кешенін қабылдап жатқандығын айтты. 

"Есірткі құралдары туралы..." ҚР Заңына 2019 жылы күшіне енген түзетулердің арқасында жаңа психобелсенді заттарды мемлекеттік бақылауға жедел қою тетігі заңнамалық түрде бекітілді. Сол сәттен бастап есірткінің Ұлттық тізімі барлығы
 115 жаңа атаумен толықтырылды. Нәтижесінде, бүгінде белгілі есірткі, психотроптық заттар мен олардың аналогтары мемлекеттік бақылауға алынғандығын айтты. 

2020 жылы ақпараттық коммуникациялық жүйелерді пайдалана отырып, есірткінің заңсыз айналымы үшін қылмыстық жауапкершілік күшейтілді. Тиісті саралау белгісі өткізу (ҚК 297-б. 3-б.), есірткіні тұтынуға көндіру (ҚК 299-б. 2-Б.), оларды дайындауға арналған заттар мен құралдардың айналымы(ҚК 301-б. 2-б.) сияқты қылмыстардың құрамдарына енгізілді.

Есірткіні жарнамалау мен насихаттау үшін қылмыстық жауапкершілік (ҚК-нің 299-1-бабы) енгізілді, оған есірткі сайттарының электрондық мекен-жайлары бар «граффити» таратушылар және тиісті ақпаратты орналастырумен байланысты өзге де әрекеттер жатады.

2025 жылы «Дені сау ұлт» әрбір азамат үшін сапалы және қолжетімді денсаулық сақтау» ұлттық жобасы шеңберінде (ҚРҮҚ12.10.2021 ж. №725) Денсаулық сақтау министрлігі Алкоголь және есірткі бойынша еуропалық мектептегі зерттеу жобасының әдіснамасы бойынша жастар арасында психобелсенді заттарды қолдануға қатысты зерттеу жүргізуді жоспарлап отыр. Зерттеу нәтижелері бойынша жастарды тәуелділікке тарту тәуекелдерінің алдын алу және диагностикалау бағдарламалары әзірленіп  енгізілетін болатындығын хабарладыКүн тәртібіндегі мәселе бойынша мектеп психологы Э.Пайзханова сөз алды. Интернет желісінде есірткіге қатысы бар мәмілелерді анықтау және қылмыскерлерді қадағалау үшін Ақпарат және қоғамдық даму министрлігімен әзірленген «Кибер қадағалау» ақпараттық жүйесі енгізілді. Жүйе осындай интернет-ресурстарға сілтемелерді автоматты режимде бұғаттауға жібереді. 

Нашақорлық – ми жасушаларын өлтіріп, оның бұзулуына әкелетін ағзадағы ауыр өзгерістерді тудыратындығын айтты. 

Оттегімен қанықтырудың болмауына байланысты есте сақтау қабілеті, зияткерлік қабілеті төмендейді, мұның бәрі галлюцинациямен бірге жүреді.

Сонымен қатар, есірткі бауырға, өкпеге, жүрек-қан тамыр жүйесіне зиянды әсер етеді, оны адам ағзасына тарататындығын айтты. 

Бір рет тұтынудың өзі есірткі тәуелділігіне  әкелуі мүмкін. Отбасылық құндылық, ата-ана махаббаты мен қамқорлығы, спортпен шұғылдану балаға есірткіге қарсы тәрбие тұрғысынан үлкен әсер ететінін бәріміз түсінуіміз қажет. Осы бағытта бірге жұмыс жасауға шақырды. 

Күн тәртібіндегі мәселе бойынша тәрбие ісі жөніндегі орынбасары Е.Толегенов сөз алды. Сіз балаңыз қарайтын барлық сайттарды тексеріп, оның достары мен таныстарын, араласатын ортасын білуіміз керек. Мектеп оқушыларының арасында сауалнамалар алынып, жұмыстар жүргізіліп жатқандығын айтты. 

Қаулы: 

1. 1. Нашақорлықтың алдын алу мақсатында 8-11 сыныптар арасында тәрбие сағаттары өткізілсін. 
2. 2. Ұлдар жиналысы өткізіліп, түсіндірме жұмыстары жүргізілсін.