№51 ЖОББМ ҚЫРКҮЙЕК АЙЫНДА ӨТКІЗІЛГЕН ҚЫЗДАР ЖИНАЛЫСЫ
№51 жалпы орта білім беретін мектеп коммуналдық мемлекеттік мекемесінің 2022-2023 оқу жылында қыркүйек айында өткізілген қыздар жиналысының хаттамасы
Қатысқандар:
- Мектеп директорының тәрбие ісі жөніндегі орынбасары Г.Кудайбергенова
- Мектеп психологы Э.Пайзханова
- Мектеп инспекторы Р.Хамитов
- 8-11 сынып оқушы қыздары
Күн тәртібінде:
- 1. «Аналар-әжелер» клубын, «Қыздар кеңесінің жоспарымен таныстыру, құрамын сайлау.
- 2. Қыз бала тәрбиесі және ерте жүктіліктің алдын алу
- 3. Мектеп ережесіне сай киіну, мектеп формасы төңірегінде 1-11 сынып оқушылары арасында бас қосу өткізу.
Тыңдалды
Күн тәртібіндегі мәселе бойынша директордың тәрбие ісі жөніндегі орынбасары Г.Кудайбергенова сөз алды. Қыз балалар арасында отбасылық құндылықтарды сақтау, қыз тәрбиесіне деген жауапкершілікті арттыру, ата-аналардың жасөспірімдер арасында ертежүктіліктің, құқықбұзушылықтың алдын алу шараларын ұйымдастырудағы рөлін арттыру мақсатында «Аналар-әжелер» мектебі құрылатындығын айтты. 2022-2023 оқу жылына арналған қыздар кеңесінің жоспарымен таныстырып өтті.
Күн тәртібіндегі қыз бала тәрбиесі және ерте жүктіліктің алдын алу бойынша мектеп психологы Э.Пайзханова сөз алды. Ерте жүктілік деп 13-19 жаста болатын жүктілікті айтады. Осы уақытта қыз балаларда өтпелі жас кезеңі басталып, гормондық қайта құрылу жүреді. Көптеген отбасыларда бұл тақырыпқа әңгіме қозғалмай, жабық күйде қалады. Бірақ бұл дұрыс емес. Негізінен, жоспарланбаған жүктіліктің 90% отбасындағы тәрбиеге және қарым-қатынасқа байланысты келеді. Ерте жыныстық қатынасқа түсу жасөспірімдердің репродуктивті денсаулығын бұзады. Қыз бала, қыз,әйел- бұл бір ғана адам өткеретін әртүрлі кезең. Ол әрбір кезеңде қуанышпен де,қайғымен де, түрлі дерттермен де бетпе-бет кездеседі. Дені сау ұрпақты өмірге әкелу үшін әйелдердің репродуктивті денсаулығы өте маңызды екенін түсінуіміз қажетПсихологиялық кеңестермен бөлісіп, әңгіме барысында қыздар өздерінің ойларындағы сұрақтарын қойып, сұрақ-жауап, пікір алмасуға ұласты. Қыздармен әңгіме өз деңгейінде өтіп, қыздар өздеріне қажетті мағлұматтар алғандығын айтты. ДТІЖО Г.Кудайбергенова мектептің ішкі тәртіп ережесіне сай мектеп формасы туралы айтып өтті. Қыздарға классикалық үлгідегі киім үлгісі, ақ бантик, қара белдемше, ақ көйлек кию керектігін айтты және қысқа кимеу қажеттігін айтып өтті.
Қаулы
- 1. «Аналар-әжелер» клубын құрамын бекітіп, қыздар кеңесінің жоспарымен таныстырылсын.
- 2. Қыз бала тәрбиесі және ерте жүктіліктің алдын алу бойынша психологиялық тренингтер,
- сауалнамалар жүргізу Э.Пайзхановаға жүктелсін.
ДТІЖО Г.Кудайбергенова
Хатшы Д.Мырзахан
