№51 жалпы орта білім беретін мектебінде 2023-2024 оқу жылында өткізілген "ДІНИ ЭКСТРЕМИЗМ ЖӘНЕ ТЕРРОРИЗМНІҢ АЛДЫН АЛУ" бойынша өткізілген жиналыс

Қатысқандар:
1.    Директордың тәрбие ісі жөніндегі орынбасары: Г.Кудайбергенова2.    «Baglan Group» қоғамдық бірлестігінің дінтанушы-теолог маманы Омарбаев Бектұрсын Ақбердіұлы3.    5-7 сынып оқушылары 
Күн тәртібінде:
1.    Діни экстремизм және терроризмнің алдын алу шаралары 
Тыңдалды:

         Күн тәртібіндегі мәселе бойынша диектордың тәрбие ісі жөніндегі орынбасары Г.Кудайбергенова сөз алды.  Экстремизм,терроризм туралы терең түсінік беру, оның түрлері, себептері мен зардаптарын ұғындыру мақсатында, жасөспірімге қоғамның әлеуметтік, құқықтық, діни сипаттарын ұғындыра отырып, оларды террорлық, лаңкестік және діни экстремистік бағытта арандатуға жол бермеу мақсатында «Baglan Group» қоғамдық бірлестігінің ұйымдастыруымен дін саласындағы тұрақтылықты қамтамасыз ету мақсатында  дінтанушы-теолог маманы Омарбаев Бектұрсын Ақбердіұлы келгенін айтты. 
       Дінтанушы-теолог маман Омарбаев Бектұрсын Ақбердіұлы сөз алды. Экстремизм деген латын сөзі «ең соңғы, ақырғы, төтенше»,«шеттеу», яғни орталықтан ауытқу, тәртіпке бағынбау, өз пікірімен ғана іс - әрекет жасаушы деген ұғымды білдіреді. Экстремизмнің пайда болуы надандыққа, көрсоқырлыққа бейімделген көзқарастардан туындайды, яғни олардың ойы «тек қана менің пікірім дұрыс, өзгенікі бұрыс дегенге саяды». Бұл оның ең алғашқы кезеңдері болып саналады. Сондай ақ тағы бір көрінісі - өзгелерді көре алмау, түсінбеу немесе түсінгісі келмеу. Олар өздерін өте таза, кіршіксіз санап, басқаны адасушыларға жатқызады. 
        Тура жол көрсеткендерді мойындамайды. Міне осы себептерден, түрлі төңкерістер мен қантөгістерден орын алуы ықтимал екендігін айтты. 
        Қазіргі күні бір Қазақстан емес, Евразия кеңістігін мекендеген мұсылман халықтарының басына түскен басты нәубет – діни экстремизм десек жаңылыспаймыз. Діни-саяси экстремизм - діттеген саяси мақсаттарына қол жеткізу үшін, дінді қалқан ете отырып әрекет етуші, дінге ешқандай қатысы жоқ іс-қимыл. Басқаша атағанда - терроризм (лаңкестік). Мұндай әрекеттер көбіне мемлекеттің құрамын күшпен өзгертуге немесе үкіметті басып алуға бағытталады. Міне осындай  қауіпті жағдайға айналған әрекеттерді оқушылардың  іске асырып жаман әдеттерге елігіп кетуіне қарсы тұруды үйрету мақсатында түсіндірме жұмыстарын жүргізгендігін атап көрсетті. 

Қаулы:
1.    Діни экстремизм және терроризмнің алдын алу жұмыстары бойынша сынып сағаттары өткізілсін,
2.    «Діни экстремизм мен терроризмнің адын алу жолдары» атты дөңгелек үстел ұйымдастырылсын.