ДІНИ ЭКСТРЕМИЗМНІҢ АЛДЫН АЛУ ЖӘНЕ ДІНИ СЕРГЕКТІК
№51 жалпы орта білім беретін мектебінде 2022-2023 оқу жылында Діни экстремизмнің алдын алу мақсатында өткізілген түсіндіру жұмыстарының хаттмасы
Өткізілген орны: мәжіліс залы Күні: 26.04.2023ж.
Уақыты: 9:00
Қатысқандар
- ДТІЖО Г.Кудайбергенова
- Дінтанушы-теолог Тайтелиев Файзулла
- 9-11 сынып оқушылары
Күн тәртібі
- Дін саласындағы тұрақтылықты қамтамасыз ету, діни экстремизмге қарсы күрес
Тыңдалды
Күн тәртібіндегі мәселе бойынша ДТІЖО сөз алды. Қазіргі заманда адамзаттың жаһандану мəселелерінің бірі ретінде экстремизмге қарсы күрес болып табылады. Діни негіздегі экстремизм мəдени, экономикалық жəне заңды кеңістіктердегі жаһандану үрдісінің байланысы, бұл объективті үрдіс топтар мен жалпы адамзаттық құндылықтар арасындағы қақтығыстар мен конфликтілерді, əртүрлі мəдениеттегі халықтардың жəне діни наным-сенімдердің наразылығын тудырады. Қазіргі өркениет пен дəстүрлі діндер туралы көзқарастар қарама-қайшылықтарға ие болуда. «BAGLAN GROUP» қоғамдық бірлестігінің ұйымдастырумен дін саласындағы тұрақтылықты қамтамасыз ету мақсатында дінтанушы-теолог маман Тайтелиев Файзулла келіп отқандығын айтты.
Күн тәртібіндегі мәселе бойынша дінтанушы-теолог Тайтелиев Файзулла сөз алды. Қоғамның ең әлсіз тұсы дін. Олай дейтініміз бүгінгі таңда жастарымыздың жат ағымға бой алдыруы, тіпті лаңкестік әрекеттерге ұрынуы қазіргі уақыттағы қоғамның, мемлекеттің ең өзекті мәселелерінің бірі болып отыр. Діндер адамзат тарихында ізгіліктің құралы болғаны анық.
Діни экстремизм - саяси күштердің өз мақсаттарына жету үшін дін атынан мемлекетке қарсы жасалған немесе бағытталған күресі. Дінімізді бұрмалап әртүрлі жаңалықтарды енгізіп, дінімізден, тілімізден, ділімізден, мәдениетімізден, салт-дәстүрімізден, ұлттық құндылықтарымыздан айырып, халықтың арасында араздық, дұшпандық, жеккөрушілік тудырып, ынтымағынан, бірлігінен айырып, ұмыттырғысы келгені, түрлі ағымдардың өте белсенді түрде жұмыс жасап жатқандығы – осының айғағы. Кереағар ағымдардың құрығына түсіретін негізгі себептері: сауатсыздық, әлеуметтік желілердің ықпалы, жүрген ортасы, ата-ананың тәрбиесі, ата-анасының қарауынсыз қалу, әлеуметтік жағдайдың нашарлауы т.б себептерін түсіндіріп айтып өтті.
