№51 ЖОББМ-де Құқықбұзушылықтың алдын алу мақсатында өткізілген жиналыс

Шымкент қаласы Білім басқармасына қарасты №51 жалпы орта білім беретін мектепте құқықбұзушылықтың алдын алу мақсатында 10-11 сыныптар арасында жиналыс болып өтті.  Жиналысқа Түркістан облысының "Мұрагер" қоғамдық  ардагерлер кеңесінің төрағасы Аманқұлов Исмайл және №51 жалпы орта мектебінің түлектері, "Мұрагер" ардагерлік кеңесінің мүшелері Айтқұлов Бақыт және Аңдасов Оразалы, мектеп директоры Н.Т.Шырынбеков, ДТІЖО Г.Кудайбергенова, мектеп инспекторы И.Мухина және психолог Э.Пайзханова қатысты. Жиналыста оқушыларды жаңа оқу жылымен құттықтап, оқуда озат болуға шақырды. Және құқықбұзушылықтың алдын-алу барысында түсініктеме жұмыстары жүргізілді. ДТІЖО Г.Кудайбергенова оқушыларға мектептің ішкі тәртіп ережесін түсіндіріп, таныстырып өтті. Және мектеп психологы оқушыларға кибербуллинг зардаптары, кибербуллинг әрекетін байқаған жағдайда не істеу керектігін айтып, слайд арқылы таныстырылым жасады.