ДІНИ ЭКСТРЕМИЗМНІҢ АЛДЫН АЛУ

ДІНИ ЭКСТРЕМИЗМНІҢ АЛДЫН АЛУ

Күн тәртібінде:

Тыңдалды:

     Күн тәртібіндегі мәселе бойынша Директордың тәрбие ісі жөніндегі орынбасары Г.Кудайбергенова сөз алды. Діни экстремизм – діни дұшпандылық пен жек көрушілікті қоздыру мақсатымен Мемлекеттің аумақтық бүтіндігін немесе егемендігін бұзуға және мемлекеттік құрылысты өзгерту мен билікті күшпен басып алуға бағытталған діни негізделген немесе діни камуфляждалған қызмет. 

         Қазіргі таңда діни - ахуал жағдайында жалпы экстремизм деген терминге зерттеушілер ортақ бір нақты мазмұн беретін балама сөз тапқан жоқ. Әр ғалым өзінше сөз саптайды. Бір анығы, қоғам үшін бұл – үлкен қауіпті құбылыс. Енді осы экстремизмнің мағынасын объективті түрде түсіндіріп көретін болсам, Экстремизм (ехtгеmus) деген латын тілінен енген термин, сөздік мәні соңғы, шеткі деген мағынаны білдіреді, ал саяси мағынасы шектен шыққан көзқарас пен іс - әрекет арқылы ерекшеленетін күрделі әлеуметтік феномен. Сонымен қатар, бұл – тікелей немесе жанама түрде парламенттік демократияны жоққа шығаратын саяси қызмет түрі.                 

 Экстремизм деген латын сөзі «ең соңғы, ақырғы, төтенше»,«шеттеу», яғни орталықтан ауытқу, тәртіпке бағынбау, өз пікірімен ғана іс - әрекет жасаушы деген ұғымды білдіретіндігін айтты. 

       Экстремизмнің пайда болуы надандыққа, көрсоқырлыққа бейімделген көзқарастардан туындайды, яғни олардың ойы «тек қана менің пікірім дұрыс, өзгенікі бұрыс дегенге саяды». Бұл оның ең алғашқы кезеңдері болып саналады. Сондай ақ тағы бір көрінісі - өзгелерді көре алмау, түсінбеу немесе түсінгісі келмеу. Олар өздерін өте таза, кіршіксіз санап, басқаны адасушыларға жатқызатындығын айтты.

    Тура жол көрсеткендерді мойындамайды. Міне осы себептерден, түрлі төңкерістер мен қантөгістерден орын алуы ықтималдылығын айтып өтті. 

 Күн тәртібіндегі мәселе бойынша тарих пәні мұғалімі сөз алды. Қазір пандемияға байланысты ішкі саясат бөлімінен қызметкерлермен кездесу өткізе алмайтындығын айтты. Осыған орай, тарих пәнінің мұғалімдері «Діни экстремизм мен терроризм адамзат өмірі мен болашақты болжатпас қауіп» тақырыпта түрлі сайыстар, пікірталас және дөңгелек үстел өткізіп, презентация арқылы түсіндіретіндігін айтты. 

Қазіргі күні бір Қазақстан емес, Евразия кеңістігін мекендеген мұсылман халықтарының басына түскен басты нәубет – діни экстремизм десек жаңылыспаймыз.

Жер-жаһанды жаулаған экстремизм, терроризм. Бұл кесел жаңа ғасырда белең ала бастаса да әлемнің біраз мемлекетін қан қақсатып үлгерді.Сол себепті де елбасымыз осы діни алауыздықтың алдын алу мақсатында Қазақстан Республикасында діни экстремизм мен терроризмге қарсы іс-қимыл жөніндегі 2013-2017 жылдарға арналған мемлекеттік бағдарламасын құрғандығын айтты. 

     Елбасымыздың айтқандай, татулық пен келісім «біздің көп ұлтты үйде – бұл Қазақстанның басты игілігі». «Біздің негізгі мақсатымыз – халықтың бірлігін сақтау» екендігін айтты. 

Қаулы

1.     Оқушыларға діни экстремизм туралы білім беру, теріс діни ағым дегеніміз не екендігін тренингтер арқылы жеткізу, діни сауаттылықты қалыптастыру мақсатында 5-7 сынып аралығында «Толеранттық деген не?», 8-11 сынып аралығында «Дін және конфессия кеңстігі», «Адастырушы діни ағымдар», «Абайла, экстремизм» тақырыбында бүгінгі өмірмен байланыстыра отырып іс-шаралар өткізілсін.