«Ұстаз жас ұрпақтың рухани сәулеткері» атты ардагер – ұстаздармен кездесу кеші
№51 жалпы орта мектебінде Қазақстан Республикасы Тәуелсіздігінің 30 жылдығына орай
«Жұлдызды 30 күн» айдарымен ұйымдастырылған
«Ұстаз жас ұрпақтың рухани сәулеткері» атты ардагер – ұстаздармен кездесу кешінің бағдарламасы
Мақсаты: Мектеп тарихымен, зейнеткер ұстаздардың еңбектерімен таныстыра отырып, олар туралы мол мағлұмат беру. Оқушыларды ұстазды құрметтеуге, сыйлауға үйрету. Ұстаз мамандығының қырымен сырларын түсіндіру, ұстаз еңбегін әрқашан бағалай білуге тәрбиелеу.
Көрнекілігі: Интерактивті тақта, шарлар, гүлдер, слайдтар, ардагер ұстаздардың презентациясы, плакаттар, нақыл сөздер.
Барысы:
Би: « 9 б сынып оқушылары»
- Айдын: - Армысыздар құрметті қонақтар, ардақты ұстаздар, оқушылар! Қазақстан Республикасы Тәуелсіздігінің 30 жылдығын мерекелеуге арналған «Жұлдызды 30 күн» аясында ұйымдастырылған «Ұстаз жас ұрпақтың рухани сәулеткері» атты ардагер - ұстаздармен кездесу кешіне қош келдіңіздер!
Балнур : - Армысыздар, ақылмен түйсініп, жүрекпен сезінетін пайым - парасатымен, талғам - танымымен танылатын асыл жандар!
Зияткерлік әлеуеті мықты, білімі терең, сөзі маржан, үні ән ұлағатты ұстаздар Еңбектеріңізге адалдық, отбасыларыңызға бақыт, елімізге тыныштық тілейміз!
Айдын: - Бүгін бізде осы мектебімізде ұстаздық қызмет атқарған қаншама шәкірттерге білім берген, шәкірттерін талай додалардың биік шыңына шығарған ардагер ұстаздар келіп отыр. Атап айтсақ -
Досаев Рахым ағай,Альжанова Зәуре апай, Дәулетбахова Қалампыр апай, Исламова Хадиша апай, Рүстембекова Рабиға апай, Мүсілтаева Назира апай, Турдыкулова Гулнар апай хош келдіңіздер!
Балнур: - Биыл Тәуелсіздігіміздің 30 жылдығы. Осы Тәуелсіздігімізді ата-бабаларымыз сан ғасырлар бойы арман еткен. Сол арманы 1991 жылы орындалды.
1991 жыл 1 декабрь ТӘУЕЛСІЗ ҚАЗАҚСТАННЫҢ ТҰҢҒЫШ ПРЕЗИДЕНТІ САЙЛАНДЫ. Ел Парламенті қабылдаған заңға сәйкес, 1- декабрь ҚР Тұңғыш Президенті Күні - Мемлекеттік мереке ретінде белгіленді. «Қилы кезеңде» осындай көшбасшысы болған қазақ ұлты, Қазақстан халқы шын мәнінде бақытты.
Ән: «Елбасы елдің тұтқасы»
Айдын: - Әл-Фараби: «ұстаз... жаратылысынан өзіне айтылғанның бәрін жете түсінген, көрген, естіген және аңғарған нәрселердің бәрін жадында жақсы сақтайтын жақындарына да, жат адамдарына да әділ, жұрттың бәріне жақсылық пен ізгілік көрсетіп, қорқыныш пен жасқануды білмейтін батыл, ержүрек болуы керек» деген. Байқайсыздар ма? Бұл сөзден біз бүгінгі қонаққа келіп отырған ұстаздарымыздың бейнесін көреміз.
1 оқушы :
Физиканы ашатын
Рахым ағай ғажап тым
Ом заңын айтқанда
Шәкірттері ұғатын
Ардагерім ұстазым
Алғыс айавгуст біз сізге
2 оқушы:
Ардагер ұстаз Назира апай!
Бойында бар ар иба
Математика сабақтан
Білім беріп озат етіп
Шәкірттерін қуантқан
3 оқушы:
Гулнар апай!
Құлпырған гүлдей ұстазым
Өзіңмен өтті жылдарым
Биіктерден көрініп
Біліміңмен озамын
4 оқушы:
Ұстаз болу сый етілген өмірге
Қиын бірақ оны алып жүруде
Тарих пәнін шыңдап білім беруде
Рабиға апай басқалардан өзгеше
5 оқушы:
Қалампыр апай - мектепте орны бөлек,
Сүйеді шәкірттеріңіз сізді ерек.
Тамыры тереңге тартқан нәрлі ағаштай,
Әрқашан аман болып жүрсін дер ек.
6 оқушы:
Хороший жандар жанымызда әрқашан
Ұлағатты сөзін биік ұстаған
Ардақты Хадиша апай анаң секілді
Тәрбиелейді баласындай жасыңнан
7 оқушы:
Ұлылықтың мықтылығы ағашынан,
Қымыздың күштілігі сабасынан.
Біздердің дарынды деп жүргеніміз
Үйреткен тәлім берген Зәуре апайдан
Балнур: Ақырын жүріп,анық бас,
Еңбегің кетпес далаға.
Ұстаздық қылған жалықпас ,
Үйретуден балаға.
Барлық адам ұстаз алдынан өтеді. Батыр болсын, ғалым болсын, ұшқыш болсын, әкім болсын, барлығыда ұстаздан тәлім-тәрбие алады. Арманына қанат бітіретін, қиялын жүзеге асыратын, өмірде дұрыс жол таңдауына бағыт-бағдар беретін ұстазға әрқашан қарыздар.
Олай болса, Айдын, екеуміз ұстаздар туралы нақыл сөздер айтып жарысып көрсек қайтеді?
Айдын: Ал ендеше баста.
Балнур: «Ұстаз болу-өз уақытын аямау, өзгенің бақытын аялау»,
Айдын: «Ұстазға қарап шәкірт өседі»
Балнур: Адамның адамгершілігі жақсы ұстаздан
Айдын: «Аспаз көрген ат таныр, ұстаз көрген хат таныр»
Балнур: «Ұстазыңды ұлы әкеңдей сыйла»
Айдын: «Ұстазы жақсының-ұстамы жақсы»
Балнур: Мен үшін жақсы мұғалім бәрінен де артық, өйткені мұғалім мектептің жүрегі.
Айдын: Балнур екеуміз Ұстаз туралы қанша мақтау сөз айтсақ та тауыса алмаспыз.
Балнур: - Ұстаздар, ұлағатты зиялылар,
Сіздерде ғалымдардың қиялы бар.
Бүгінгі кеш сіздер үшін арналады, шәкірттердің өнерін қабыл алыңыздар.
Оқушы мен ұстаз туралы көріністі тамашалаңыздар
Айдын: «Ұстаз жүгі ауыр жүк» деп бекер айтылмаған. Жастайынан өмірдің ғажап екенін білмей өзін жоғалтуға жақын қалған баланың өмірін күрт өзгерту ұстаздың ғана қолынан келеді. Ұстаздың ұлылығы – мықтылығында!
Айдын: - Ал енді,құрметті қонақтар,өздеріңізге әзірлеген балалардың сұрақтарына кезек берсек....
4. (Қалампыр апай) Есіңізде қалған ең қызықты сәтіңіз?
5. (Гулнар апай) Алғашқы шәкірттеріңіз нешеде?
6. (Рабиға апай)Шәкіртіңіздің күлкілі қылығы есіңізде ме? Қандай қылығы болып еді?
7. (Хадиша апай) Ұстаз болудың қиындығы мен қызығы.
Балнур: Ұстаздар кім болуды армандайды?
Айдын: Сен де қызық сұрақтар қояды екенсің. Ұстаздар кім болсам екен деп армандамайды..
Балнур: Неге? Армансыз адам болмайды гой
Айдын: Сен дұрыс түсінбедің . Менің айтайын дегенім басқа еді. Білгің келеді ма ?
Балнур: ммммммммм, әрине
Айдын: Ұстаздар бастық болуды армандамайды .Әр мұғалімнің жұмыс бөлмесі, отыратын жұмыс үстелі, қарамағында 25-30 оқушысы бар, кішігірім бастық емес пе?
Балнур :Ұстаздар сот болуды да армандамайды. Ұрыс, төбелес жөніндегі бала мен ата-ана дауын да бір өзі шешіп отырады. Ал, енді сот демей көріңдерші.
Айдын: яяяяя, өте дұрыс айтасың. Жазушыларға келер болсақ, тіпті кейбір жазушыларыңыз да, мұғалім құсап күнде жазуға отырмас. Ұстазды жазушы емес деп көріңізші.
Балнур: Охо, бір адамның бойынан қаншама мамандықты көріп тұрмыз. Онда біз аяулы ұстаздарымызды дарынды, шебер деп айтсақ артық болмас. Әр мұғалім өз сабағының шебері, яки режиссері, көбінесе басты рөлде де өзі ойнайды. Әртіс демей көр, кәне. Көпшілік көрініске де өзі қатысады.
Айдын:--- Бір тыным жоқ. Кабинет тазалығы да өз мойнында. Безендіруші де өзі. Балнур , осы біз кейде кабинетте қағаз шашып, кезекшілікті атқармай кететінімізге ұялып тұрғаным ай.
Балнур: ----яяяя , біздің балалығымыз бен шалағымызды кешіре білген ұстаздарға қандай құрмет көрсетсек те артық болмас. Ұстаздар жайында халқымыздың ұлы батыры Бауыржан Момышұлы “Ұстаздық - ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді... Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да солдай ардақтауға міндеттіміз” деген.
Айдын: Ендеше келесі музыкалық сәлемімізді қабыл алыңыздар.
5 сынып оқушылары Іңкәр мен Аяжанның орындауында «Ұстаз Ана» әнін қабыл алыңыздар.
Балнур - Ұрпақ болашағы, халқымыздың келешегі қазіргі ұстаздардың қолында!
Ұстаз болу – жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы –
деп ақын Ғ.Қайырбеков жырлағандай, сөзі маржан, үні ән ұстаздардың бар болғаны мақтаныш емес пе?. Әрине, ұстаз жүгі – ауыр жүк. Ұстаздардың әсерлі үнімен, асықпай мәнерлеп сөйлеген сөзінен әрбір оқушыға деген қамқорлықтың, аналық, әкелік сезімнің дана ойдың ыстық лебін сезінесің. Адамның жан дүниесін түсініп, ренжітпей, қателігін сездіре білу – бұл нағыз шеберлік емес пе ?
Айдын :Ияя, сөзіңе қосыламын. Ұстаздар бізге не үйретпеді дейсің ... бәрін , бәрін !!!Ендеше,келесі сөз кезегін ұлағатты ұстаздарымызға береміз.
Ұстаздар сөзі
Келесі тыңдайтын әндеріңіз «Тәуелсіздік» Сәкен Ұлбосын
Айдын:Құрметті Рахым ағай, Зәуре апай, Хадиша апай, Рабиға апай, Назира апай, Гулнар апай, Калампыр апай, Сіздердің ұзақ жылдар бойы үздіксіз еткен зор еңбектеріңіз-саналы ұрпақ тәрбиесінде алар орны ерекше,кейінгі жас буынға үлгі-өнеге болды.
Балнур: - Талғаусыз еңбектің жемісі ретіндегі бүгінгі зейнет демалыстарыңыздағы ғұмырларыңыз ұзағынан, көрер қуаныштарыңыз молынан болып,немере-шөберенің қызығына тоймай, ақ жаулықты Ана бақытына бөленулеріңізді тілейміз! Жүздеріңіз күндей күлімдеп, жүректеріңіз жаздай жайнасын. Жанарларыңыздан әрдайым нұр себелеп, жандарыңыз шаттыққа кенеле берсін деген ізгі тілекпен бүгінгі кешімізді қорытындылаймыз. Алтын уақыттарыңызды бөліп келгендеріңізге алғысымызды білдіреміз.
Айдын: - Тәуелсіздігіміздің 30 жылдығы құтты болсын. Әр жыл сайын Тәуелсіздігіміздің жұлдызы жарқырай берсін! Еліміз аман, жұртымыз тыныш болсын. Көк байрағымыз көкте мәңгілікке желбірей берсін.
Бәрі сахнаға шығып хормен «Біз сіздерді жақсы көреміз!» деп аяқтайды.
«Ұстаз әні» хормен
