"ЕЛБАСЫ МЕДАЛІМЕН" марапатталған шәкірт

«ЕЛБАСЫ МЕДАЛІМЕН» №51 ЖОББМ ОҚУШЫСЫ МАРАПАТТАЛДЫ

2019 жылы ҚР Тұңғыш Президенті - Елбасы белсенді және талантты жастарды қолдау бойынша «Ел үміті» жалпыұлттық саясатын ұсынды. Бұл бастама аясында ҚР Тұңғыш Президенті - Елбасы қоры дарынды балаларды анықтайтын «Қабілет», «Елбасы медалі» сынды бірнеше бірегей жобаны қолға алды. Осы жобаға біздің мектебімізден Әлжан Дінмұхаммед Романұлы  «Елбасы медалі» бағдарламасына қатынасты. «Елбасы медалі» жобасында әрбір қатысушыға өзін-өзі дамыту үшін жеті бағыт ұсынылған: «Спорт және дене шынықтыру», «Кітап оқу», «Дарын мен дағды», «Ұлттық мұра», «Еріктілік», «Туристік саяхаттар» және «Еңбек тәжірибесі». Бағдарламаны әзірлеуде үздік әлемдік тәжірибе қолданылған. Біздің қатысушы шәкіртіміз осы жеті бағыт бойынша өз білімі мен дағдысын,  шеберлігін ортаға салды. Жоба аясында Әлжан Дінмұхаммед өзінің кітап оқу дағдысы толыққанды қалыптасқандығын , ұлттық мұраны дәріптеп , қастерлей алатындығын танытты. Сонымен қатар шәкіртіміздің спортқа бейімділігін, өз ерік- жігерін басқара алатындығын байқатты. Қазақ даласының көрікті жерлерінен мәліметі мол екенін , осының бәрі еңбектің арқасында келетіндігін жоба барысында көрсете білді. Жобаға алты ай бойы дайындалып, тынымсыз еңбектің нәтижесінде "Елбасы Медалі" жобасының қола медаль иегері атанды. Медальді қала әкімінің орынбасары, мәслихат хатшысы, "Nur Otan" партиясының орынбасарлары мен оқу орындарының басшылары мен спорт майталмандары марапаттады. Марапатқа ие болған үздік оқушымыз Әлжан Дінмұхаммед ел болашағын дамытуға өз үлесін қосатын үлкен айтулы азамат болатынына сенім білдіреміз.  Шәкіртімізге ерік жігері мол жеке тұлға болып қалыптасып , өсіп- өркендей беруіне  тілектеспіз. Өмірің толағай табысқа толы болсын, Дінмұхаммед Романұлы ‼️❗