№51 ЖОББМ-де 2022-2023оқу жылында өткізілген Ата-аналар жиналысы

№51 жалпы орта мектебінде 2022-2023 оқу жылының мамыр айында өткізілген Ата-аналар жиналысының хаттамасы 

        Қатысқандар:

1. Мектеп директоры Н.Т.Шырынбеков
2. Директордың тәрбие ісі жөніндегі орынбасары Г.Кудайбергенова,  Е.Толегенов 
3. Сынып жетекшілер
4. Мектеп ата-аналары 
5. Мектеп оқушылары

Күн тәртібінде:

1. Соңғы қоңыраудан кейінгі жасөспірім оқушылардың өмір қауіпсіздігі
2. Сыбайлас жемқорлықтың алдын алу, ақша жинауға тыйым салу туралы

Тыңдалды

     25.05.2023ж күні мектеп ата-аналарымен және оқушылармен бірлесе отырып жиналыс өткізілді. Күн тәртібіндегі мәселе бойынша мектеп директоры Н.Т.Шырынбеков сөз алды. Біздің басты мақсатымыз қоғамның әр-түрлі орталарындағы сыбайлас жемқорлықтың алдын-алу, профилактикалық жұмыстарын насихаттау, сыбайлас жемқорлыққа қарсы күрес туралы заңдарды негізге ала отырып ата-аналар жиналысын өткізіп жатқандығын айтты. 

 «Сыбайлас жемқорлыққа қарсы іс-қимыл туралы» Қазақстан Республикасының   2015 жылғы 18 қарашадағы №410-V ҚРЗ Заңын орындау мақсатында және Қазақстан Республикасы Президентінің 2022 жылғы 2 ақпанындағы №802 ҚР сыбайлас жемқорлыққа қарсы саясатының 2022-2026 жылдарға арналған тұжырымдамасын іске асыру жөніндегі іс-қимыл жоспарын 1-тармағына, Шымкент қаласының білім басқармасының 2023 жылғы 24 сәуірдегі «Шымкент қаласының» білім басқармасы және бағынысты мекемелерінің қызметінде сыбайлас жемқорлық тәуекелдеріне сыртқы талдау жүргізу туралы бірлескен №58, №180 бұйрықтарына және 24.04.2023 жылғы №184 бұйрығына  толықтырулар енгізу туралы 18.05.2023 жылғы №226 бұйрығын негізге ала отырып 2022-2023 оқу жылының аяқталуына орай бітіруші 4, 9, 11 сыныптардың бітіру кештерін ұйымдастыруына, мұғалімдерге сыйлықтарға және ағымдағы жөндеу жұмыстарына, тәрбиешілерге, директорға түрлі себептермен кез-келген мерекелік іс-шараларға, мекемеге қажетті кеңсе заттары мен шаруашылық заттарын сатып алуға және тағы басқа мақсатта (оқу кабинеттерін жабдықтау, сыныпқа гүл, кабинеттің гигиеналық құрал-жабдықтары, оқуға керекті кеңсе тауарлары және т.б) ақшалай және заттай жинауға қатаң тыйым салынғандығын қатаң түрде айтты. 

       Күн тәртібіндегі мәселе бойынша Г.Кудайбергенова сөз алды. 4,9,11 бітіруші сыныптардың ата-аналарынан ақшалай қаражат жинап мектеп әкімшілігіне және педагогтерге кез келген түрдегі сыйлықтар жасауға қатаң тыйым салынғандығы туралы сынып жетекшілеріне ескертілді. 

   Бітіру кештерін (4,9,11 сыныптар) сән-салтанатты өткізуге (сыныпты безендіру, түлектің сыртқы келбеті және т.б) аниматорларды, мерекелік агенттіктерді, жеке студияларды тартуға, салтанатты дастархан ұйымдастыруға, кафе, мейрамханалар және басқа көңіл көтеретін орындарда өткізуге қатаң тыйым салынғандығын айтты. 

Заңсыз материалдық сыйақы мен пара алғаны үшін төмендегі әкімшілік және қылмыстық жауапкершілік қарастырылған;

• басшылық лауазымдағы әкімшілік айыппұл құны 600 АЕК (2 млн теңгеден астам), қылмыстық үшін -параның 20 еселенген сомасы мөлшеріндегі айыппұлдан 15 жылға дейінгі мерзімге бас бостандығынан айыруға дейін, мүлкі тәркіленеді.
• Педагогтар үшін әкімшілік айыппұл 10 АЕК-тен (34500 мың теңге) асатын сыйлықтар беруге тыйым салынады. Өзге жағдайда 2000 АЕК (6,9 млн тенге) дейінгі айыппұл түріндегі қылмыстық жауапкершілік көзделгендігі ескертіледі.

         Мектеп инспекторы Р.Хамитов сөз алды. Бітіру кештерін өткізу үшін, сән салтанатты етіп мейрамханаларға баруға, көңіл көтеретін орындарға баруға және түнгі мезгілде заңды өкілінсіз жүруіне қатаң тыйым салынғандығын ата-аналарға ескертті. 

     ҚР Әкімшілік құқықбұзушылық туралы кодексінің 442 бап, 2 тармағы бойынша түнгі мезгілде сағат 23:00-ден таңғы 6:00-ге дейін ата-анасының яғни заңды өкілінің ертіп жүруінсіз тұрғын үйден тыс жүргені үшін ата-анасына ескерту беріледі, осы бапта көзделген жағдайларды бір жыл ішінде 2 рет қайталанған жағдайда ата-анасына ҚР ӘҚБ ТК-ның 442 бап 3 тармағы бойынша 7 айлық көрсеткіш көлемінде айыппұл салынып 1 жыл ішінде екі рет қайталанған әкімшілік құқық бұзушылық жасаған жасөспірімді Абай полиция бөліміне профилактикалық жүргізу мақсатында тізімдік есепке 1 жылға алынатындығын ескертті. 442 баптың 1 бөлігінде түнгі сағат 22:00-ден таңғы 6:00-ге дейін ойын сауықтыру мекемелерінде, яғни кафе, клуб, бар, ойынханада ата-анасының ертіп жүруінсіз жүрген жасөспірім анықталған жағдайда, оның заңды өкіліне 3 айлық есептік көлемінде айыппұл салынатындығын атап айтты. Және де ҚР-ның қылмыстық кодексінің баптарымен таныстырды. 

    Қаулы 

1. ҚР Сыбайлас жемқорлыққа қарсы іс-қимыл Агенттігінің Шымкент қаласы бойынша департаментімен бірлескен Жастар арасында сыбайлас жемқорлыққа қарсы мәдениетті қалыптастыру бойынша кешенді жоспарына сәйкес білім беру ұйымдарында арнайы іс-шаралар жоспары құрылып, мерзімінде орындалсын.
2. Кәмелет жасқа толмаған жасөспірім оқушылардың түнгі мезгілде жүрмеуі қадағалансын.