Тәуелсіздіктің 30 жылдығы аясында "Тәуелсіздік – тарих тұлпарының қос тізгіні" тақырыбында өткен желтоқсан куәгерлерімен өткізілген кездесу

№51жалпы орта білім беретін мектебінде Қазақстан Республикасының тәуелсіздігінің 30 жылдығына орай тарих және география бірлестігінің ұйымдастыруымен «Жұлдызды 30 күн айдарымен» "Тәуелсіздік – тарих тұлпарының қос тізгіні" тақырыбында жастардың патриоттық сезімін оятып, елжандылық қасиетінің артуына әсер еткен кездесу болып өтті.1986 жылы Желтоқсан оқиғасына қатысып,сол оқиғаның куәгері болған қазақтың қос батыр қыздары Альфия Бескемпірқызы мен Шарипа Нагатайқызы мектебімізде қонақта болды.Сан ғасырлар бойы ата – бабамыздың арманы болған құдіретті сөз – «Тәуелсіздіктің» бағасын ұғындыру мақсатында ұйымдастырылған кеште мектебіміздің оқушылары еліміздің, өңіріміздің әр жылдары жеткен жетістіктері жайлы білгендерін айтып, еліміздің бағын,бақытын жырлаған ақындарымыздың өлеңдерін мәнерлеп,жатқа оқып,патроиоттық рухы биік әндерді шырқап,би билеп өнерлерін ортаға салды.Әсіресе,кештің қонағы болған қазақтың батыр қызы Альфия Бескемпірқызының жастық шағын көрсеткен көріністің әсерлі шыққаны сондай тамашалаған барша көрермен көздеріне жас алды.Мектеп оқушылары сахнада төселген әртістер секілді шынайы ойнап шықты.Бір сәт Желтоқсан оқиғасының құрбаны болған батыр аға – әпкелерімізді еске алып,үнсіздік жарияланды.Кеш барысында,кешегі Әлия мен Мәншүктердің жалғасы, бүгінгі күннің батыр қыздары өмірде көрген-түйгендерін жастарға сабақ болсын деп әңгімеледі. Кеуделерін орден,медальдарға толтырған қос апамыздың өнегелі әңгімелерін тыңдаған жастардың бойында Отанға деген сүйіспеншілік бұрынғыдан да қаттырақ оянғанына сеніміміз зор. Мектебіміздің тәрбие ісі жөніндегі орынбасары Гүлжанар Сазанбекқызы мен Төлегенов Ермек ағай еңселі егемендіктің қадірін жас ұрпаққа түсіндіру мақсатын көздеген кеш жоғары деңгейде,тамаша көңіл-күйде өткенін айта 

келе, қазақтың қос батыр қыздарына қазақтың камзолын кигізіп,иықтарына орамал жауып,сый – сияпат жасап,кештің әсерлі өтуіне дайындық жасаған тарих және география бірлестігінің ұстаздары мен өнер көрсеткен оқушыларға алғыстарын білдірді. Өскелең ұрпақтың бойында ұлтжандылық қасиеттің артуына үлес қосатын осындай кештердің көптеп өтілуінің маңызы зор.Жастардың бойындағы өмірге деген құштарлық,елжандылық,білімге деген қабілеттің керемет көрінісі байқалды. Ел болашағы үшін жасалып жатқан игі істер табысты болып,ел тұтқасын ұстайтын білімді,саналы ұрпағымыз көбие берсін.Тәуелсіздігіміздің 30 жылдығы құтты болсын! Тәуелсіздіктің қадірін дәріптеу бүгінгі және ертеңгі ұрпақтың парызы болып қала бермек.